Фестивали

Србинка ќе ја претставува Франција на Евровизија (Видео)

Пејачката Барбара Пјевиќ оваа година ќе ја претставува Франција на Евровизија, а она што е интересно е дека франуцскиот претставник е всушност од Србија. Имено нејзиниот дедо е роден во Србија и сеуште зборува со српски акцент.

Нејзината песна „Voilà“ во моментов е третиот фаворит за победа. Нејзината песна ја носи пораката за самоафирмација и како да се сакате себе си со сите ваши грешки и успеси.

Барбара е родена 1993-та година во Париз. Нејзиното семејство се состои првенствено од уметници и музичари. Нејзиниот дедо по татко е Србин, додека нејзината мајка е половина Иранка. Роденото име на Прави е Барбара Пјевиќ, а уметничкото име Барбара Прави доаѓа од српскиот збор права, како почит кон српскиот дедо.

“Дедо ми се пресели во Франција кога имаше 22 години, еднаш го посетивме Белград и се надевам дека повторно ќе дојдеме кога ќе заврши пандемијата. Тој е горд на мене и ние сме многу блиски, многу се сакаме. Тој ми го даде и уметничкото име Прави. Кога барав уметничко име, тој ми рече: „твоето име треба да биде Прави“. Затоа што е автентично на српски јазик. Тоа навистина ми се допадна”, изјави Барбара.

https://www.youtube.com/watch?v=3kiyXRhIXWU&ab_channel=EurovisionSongContest

Подготви: Редакција Музика24

Можеби ќе ве интересира: