Музика на кирилица

“Бебе” од Пајак нов хит на македонската музичка сцена (Фото+Аудио)

“Бебе мое каде си, летам преку граници само да сме ја и ти, еј. Пред мене има планини, ќе ги срушам кажи ми, бебе мирно нани ми…”, ова е само мал дел од една од најновите песни на младиот, а веќе толку познат на македонската музичка сцена, Христијан Настески познат како Пајак. Ова момче ни доаѓа од Охрид и од неодамна е ексклузивец на една од брзо растечките македонски продуценски куќи Урбан Рекордс, зад која стојат и популарниот Таско, Тракер, Иво, Јосиф, Луна…

Многумина ќе речат дека оваа песна и не му стои така добро како и останатите кои Пајак ги промовираше изминатиот период, но напротив, со оваа песна само се докажува дека ова момче е и повеќе од талантирано и дека освен трап песни, во кои секако одлично се пронаоѓа, “Бебе” е токму таа песна во која што освен до израз доаѓаат неговите вокални способности, на површина испливува и фактот дека вакви емотивни балади и те како недостасуваат на нашата музичка сцена, бидејќи и одамна немало песна во која толку многу млади одеднаш ќе се пронајдат.

Веруваме дека сите оние споредби со познати музички имиња од Балканот и светот не се залудни и дека Пајак после концертот кој што го оддржа во Охрид пред своите фанови и одбрана публика, во следниот период ќе имаме прилика, можност и привилегија да слушаме се повеќе и повеќе вакви и слични песни од студиото на Урбан Рекордс.

Можеби ќе ве интересира: