Музика на кирилица

Новиот албум на Четкар „Let Us Be“ издаден во Јапонија преку престижната музичка куќа „P-Vine Records“

Пред само неколку дена во Токио се објави најновиот студиски албум на Владимир Четкар „Let Us Be“ преку познатата Јапонска музичка куќа „P-Vine Records“ со прекрасни рецензии за ова последно студиско остварување на македонскиот кантавтор и изведувач.

Линк: Најновиот студиски албум на Четкар.

„Let Us Be“ е музичка симбиоза на џез, фанк соул и диско и е комплетно авторско дело на Четкар каде тој се наоѓа во улога на композитор, аранжер/оркестратор, продуцент, гитарист, вокалист, текстописец и диригент. Албумот „Let Us Be“ во целост се снимаше во САД, поточно во Чикаго и Милвоки во Electrical Audio и Hi-Fi Studios со жива инструментација и ги содржи следните 8 композиции:

„Don’t Make Me Wait“, „Let Us Be“, ‘Ohrid“, ‘A New Day’, „High Devotion“, „More Than I Ever Asked For“, „Alexander At The Oracle’ и „MATO“.

Четкар е единствениот авторски музички уметник од Македонија кој своите студиски албуми редовно ги издава во далечниот исток преку некој од тамошните најпрестижни музички куќи. Албумот „Let Us Be“ набрзо после ексклузивното издавање на Јапонскиот музички пазар ќе биде издадено насекаде во светот.

Можеби ќе ве интересира: