Вчера вечер во кафулето “Концепт 37” Тони Зен го промовираше новиот петти по ред студиски албум насловен “Микро Скопски Организам”. Албумот содржи 15 песни чии текстописец е Тони Зен, а музиката на истите е подготвена и изработена од повеќе автори. Како гости на албумот се јавуваат имињата на музичарите: Сиги, Тамара Тодевска, Бобо (Софија, Бугарија), Даниел Кајмакоски, Горан Папас, Пере, Франц, Бертан Арслани и др.
Освен промоцијата на албумот, Тони Зен го промовираше и новиот видео спот за песната “Сетила” кој што премиерно на музичкиот портал Музика24 ќе имате можност да го погледнете во продолжение. Видео спотот е во изработка на “БМА брадерс”, односно продукцијата на браќата Бертан и Мерт Аслани со која што познатиот рапер соработува подолго време.
Подготви: Александра Блажевска
