Традицијата продолжува и оваа година, по осми пат – реномираниот фестивал кој ја исполнува културно – уметничката емоција на градот Скопје – “Виноскоп”. Од 24-ти до 28-ми септември со нова локација, на плоштадот “Карпошово Востание”, помеѓу музејот на холокаустот и музејот на македонската борба. Дојдете да ги доживеете урбаните приказни во придружба со убавите македонски вина и деликатесна храна.
Започнете ја есента со божествениот напиток – виното. Љубителите ќе можат да одберат од широкиот спектар на вински сорти на повеќе од 30 домашни винарии. Уживајќи во чаша добро вино надополнето со убава музика, гостите повторно ќе бидат дел од уникатниот позитивен импулс на фестивалот.
“Виноскоп 2014” – приказна за Скопје која не смеете да ја пропуштите.
Подготви: Редакција Музика24
