World Music

Лејди Гага најавува нов албум: „Mayhem“ ќе донесе хаос и трансформација

Поп-иконата Лејди Гага на 8 март ќе го објави својот нов, седми студиски албум со наслов „Mayhem“. Во најавата за албумот се наведува дека „Mayhem“ ги истражува темите на хаос и трансформација, отворајќи нови хоризонти во музичката кариера на пејачката.

Со 14 песни на листата, албумот веќе привлече внимание со објавените синглови, вклучувајќи ја и долгooчекуваната соработка со Бруно Марс. Ова издание доаѓа по минатогодишниот албум „Harlequin“, кој беше дел од саундтракот за филмот „Џокер: Лудило за двајца“.

„Албумот повторно го измислува раниот звук на Гага, комбинирајќи го со свежи уметнички пристапи и инспирации од нејзината богата музичка библиотека“, се наведува во прес-соопштението.

Со „Mayhem“, Лејди Гага ветува дека уште еднаш ќе го помести музичкото искуство, создавајќи динамично и уникатно дело кое ќе го одбележи почетокот на нова ера во нејзината кариера.

Можеби ќе ве интересира: