Во текот на денешниот ден на официјалниот Twitter профил на веќе починатата светска ѕвезда Мајкл Џексон, беше објавен најновиот видео спот кој што е подготвен за песната “A place with no name”. Во овој видео спот, кој што ексклузивно е објавен само на оваа социјална мрежа која не случајно е одбрана поради прегледите и споменувањето на неговото име околу 6,4 милиони пати, ексклузивно се вметнати снимки кои досега не се прикажани во јавноста.
Со ова само се докажува дека и по 5 години од неговата смрт, тој почина на 25 јуни 2009-та година, сепак неговиот дух сеуште живее благодарение на модерните и софистицирани технологии. Во продолжение, бидете едни од првите што ќе го погледнат новиот видео спот на музичката легенда на следниот линк: Michael Jackson – “A place with no name”.
Подготви: Марија Каревска
