Имам нешто да те прашам

Кристијан Јованов: Во 2013-та сакам да излезе мојот деби албум!

Кристијан започна со учеството во “Операција Триумф”. Доколку тоа не го паметите, тогаш сигурно се сеќавате на песната “Нема да зборам” на “Скопскиот фестивал” кој воедно беше и националниот избор за Евровизија во 2009-та година. Тој и наредната година настапи на Макфест, а во продолжение ги промовира песните “Немирна” и “Дали ова не е крај”. Во 2011-та се прослави со “Зошто отиде”. Што тој вели и како размислува, како се чувствува и каде ќе ја прослави најлудата ноќ… во продолжение.

Музика24: Како се чувствуваш секогаш кога се наближува Новата година, дали можеби како некое мало дете оставаш празни новогодишни чорапчиња и го чекаш својот подарок од Дедо Мраз, дали можеби размислуваш и потајно си фантазираш… дали можеби се чувствуваш некако посебно, новогодишно… или ти е сеедно што се наближува Нова година?

Кристијан: Го сакам периодот пред Новата и по Новата година, но оваа година еуфоријата е многу опаднатa, за разлика од минатите години. Дали јас така мислам бидејќи и оваа година ја поминувам работно па не сум многу растрчкан околу тоа кај ќе бидам и со кого ќе бидам и затоа можеби и не ме фаќа таа новогодишна треска .

Музика24: Како вообичаено се подготвуваш за Новата година? Купуваш многу храна, некоја посебно убава книга, купуваш подароци за своите најблиски… си купуваш нешто за себе?

Кристијан: Секако, тоа е неизбежно, сите се подновуваме пред Нова година, тоа е како некоја традиција, мора да бидеш дотеран xaxaxa (се смее). А за подароците знам и да изненадам, да купам некој подарок за моите најблиски!

Музика24: Што претставува за тебе новогодишната еуфорија? Што претставува воопшто пречекот за Нова година, како го доживуваш сето тоа? Дали тоа и тебе ти се случува, дали те фаќа она новогодишното?

Кристијан: Па искрено, има некои убави моменти, на пример кога се накитува елката, украсување на просторот и собирање со пријателите и слично, но пред неколку години тоа се беше подруго, еуфоријата почнуваше 2-3 месеци пред доаѓањето на Новата година, сега е недела дена пред самиот дочек и многу малку трае таа еуфорија!

Музика24: Како и каде планираш да ја дочекаш Новата 2013-та година?

Кристијан: И оваа година како и предходните години ќе ја дочекам работно. Оваа година ќе се потрудам да направам луд и незаборавен дочек во Струмица во Кафе Бар “Гламур”.

Музика24: Кој е според тебе настанот на музички план кој што ја одбележи 2012-та, а која пак песна може слободно да кажеме, дека е песна на годината?

Кристијан: Се случија многу настани во 2012-та година и ги има неколку кои ја одбележаа 2012-та година, но можам да издвојам еден, тоа е Скопскиот фестивал кој беше во сосема ново издание, а за песна стварно ги има премногу, така да не би можел да издвојам само една.

Музика24: Кои се твоите планови, замисли… кои што би сакал да ти се остварат во текот на идната година, нешто што досега не ти се случило?

Кристијан: Пред се најбитно ми е да ме служи здравјето, да извадам уште неколку мои песни и некој спот, а се надевам дека до крајот на 2013-та ќе го извадам и мојот деби албум….

Музика24: Што би им посакал во Новата 2013-та година на нашите Музика24 интернет читатели, а воедно и на твоите фанови и обожаватели?

Кристијан: Би им посакал  да се сакаат и да бидат сакани, тоа е нешто најубаво што може да му се случи некому и да им се исполнат сите неостварени желби, за кои копнееле изминативе години.

Интервјуто го подготви: Сања Неткова

Можеби ќе ве интересира: